…. જ્યાં રાત ગુજારી

April 4th, 2017

 


રમણલાલ વ દેસાઈ

 


 

જાઓ, જાઓ જ્યાં રાત ગુજારી ;
ભૂલી પડી મદભર તમ નૈયાં !
ચરણ ચલિત, તંબોલ અધર પર,
લાલ છૂપે નહીં છલબલ ચૈનાં !

હાર ચુમ્બિત હૈયું ક્યમ ઢાંકો ?
કંકણવેલી ક્યહાં ચિતરાવી ?
અંજન ડાઘથી ઓપે કપોલ !
બધી રજની ક્યમ ત્યાં ન વિતાવી !

– રમણલાલ વ દેસાઈ

સ્વર : કૌમુદી મુનશી

સ્વરાંકન : કૌમુદી મુનશી

દિલમા કોઇની યાદ ના

December 8th, 2016


આદિલ મન્સૂરી
 
 


 
 
click here to download : Dil Ma Koi Ni

 
 
દિલમા કોઇની યાદ ના પગલાં રહી ગયા,
ઝાકળ ઊડી ગયું અને ડાઘાં રહી ગયા.

એને મળ્યા છતાંય કોઇ વાત ના થઇ,
ગંગા સુધી ગયા અને પ્યાસા રહી ગયા.

ફૂલો લઇને બાગથી હું નીકળી ગયો,
ને પાનખરના હાથમાં કાંટા રહી ગયા.

વરસ્યા વિના જતી રહી શિર પરથી વાદળી,
‘આદિલ’ નજર ઉઠાવીને જોતા રહી ગયા.

– આદિલ મન્સૂરી

સ્વર : સાધના સરગમ

હૃદય વિરાજે તુલસીમાલા

December 6th, 2016

 


સંજુ વાળા
 

કવિશ્રી સંજુ વાળા વિષે વધુ વાંચવા click કરો : સંજુ વાળા

 


 

Click the link below to download :

Hriday Viraje
 
 

હૃદય વિરાજે તુલસીમાલા
હાથ ગ્રહી રુમઝૂમ કરતાલા
હરિ વ્હાલા રે …. હરિજન વ્હાલા ….

ચૌદ ભુવન મંડળ ઘૂમરાતા સ્થિર મૂરત ચિરકાલા
મહારાસ માંડ્યો વ્રેમાંડે પ્રગટી હસ્ત મસાલા

તાલ ,ઠેક તાલી આવર્તન
ગાવત મેઘ વાજત જપમાલા
હરિ વ્હાલા રે …. હરિજન વ્હાલા ….

આર્દ ભાવ રસભીનું ભીતર મુખ શ્રીનામ સબૂરી
પદ, અર્વન, તૂરિયા ઘટ દર્શન મધ્યે નહીં કોઈ દૂરી
હરિ વ્હાલા રે …. હરિજન વ્હાલા ….

તુમ વહેતી કિરતન ધનધારા
તું જ પ્રેમ પદારથ હાલા
હરિ વ્હાલા રે …. હરિજન વ્હાલા ….

– સંજુ વાળા

સ્વર : પ્રીતિ ગજ્જર

સ્વરાંકન : ડો ભરત પટેલ

 
 
 

 
 
 

જાઓ, જાઓ જ્યાં રાત ગુજારી

December 3rd, 2016

 


રમણલાલ વ દેસાઈ
 
 


 

Click the link below to download :

jao jya rat gujari

 

જાઓ, જાઓ જ્યાં રાત ગુજારી ;
ભૂલી પડી મદભર તમ નૈયાં !
ચરણ ચલિત, તંબોલ અધર પર,
લાલ છૂપે નહીં છલબલ ચૈનાં !

હાર ચુમ્બિત હૈયું ક્યમ ઢાંકો ?
કંકણવેલી ક્યહાં ચિતરાવી ?
અંજન ડાઘથી ઓપે કપોલ !
બધી રજની ક્યમ ત્યાં ન વિતાવી !

– રમણલાલ વ દેસાઈ

સ્વર : કૌમુદી મુનશી

સ્વરાંકન : કૌમુદી મુનશી

 

 

… તો વરસોનાં વરસ લાગે

December 1st, 2016

 

મનોજ ખંડેરિયા
 

કવિશ્રી મનોજ ખંડેરિયા વિષે વધુ વાંચન કરવા click કરો : મનોજ ખંડેરિયા

કવિશ્રી મનોજ ખંડેરિયાની વધુ રચનાઓ માણવા click કરો : મનોજ ખંડેરિયા
 


 

Click the link below to download :

ક્ષણોને તોડવા બેસું તો

 

ક્ષણોને તોડવા બેસું તો વરસોનાં વરસ લાગે,
બુકાની છોડવા બેસું તો વરસોનાં વરસ લાગે.

કહો તો આ બધાં પ્રતિબિંબ હું હમણાં જ ભૂંસી દઉં,
અરીસો ફોડવા બેસું તો વરસોનાં વરસ લાગે.

કમળ-તંતુ સમા આ મૌનનેતું તોડ મા નાહક
ફરીથી જોડવા બેસું તો વરસોનાં વરસ લાગે

આ સપનું તો બરફનો સ્તંભ છે,હમણાં જ ઓગળશે
હું એને ખોડવા બેસું તો વરસોનાં વરસ લાગે

મને સદભાગ્ય કે શબ્દો મળ્યા તારે નગર જાવા,
ચરણ લઈ દોડવા બેસું તો વરસોનાં વરસ લાગે.

– મનોજ ખંડેરિયા

સ્વર : પુરુષોત્તમ ઉપાધ્યાય અને આશિત દેસાઈ

આપણે ભરોસે આપણે હાલીએ

December 1st, 2016

 


પ્રહલાદ પારેખ
 

કવિશ્રી પ્રહલાદ પારેખ વિષે વધુ વાંચન કરવા click કરો : પ્રહલાદ પારેખ

 


 

click the link below to download :
 
આપણે ભરોસે આપણે

 

એક મહેનતના હાથને ઝાલીએ,
હો ભેરુ મારા, આપણે ભરોસે આપણે હાલીએ.

ખુદનો ભરોસો જેને હોય નહીં રે તેનો
ખુદાનો ભરોસો નકામ;
છો ને એ એકતારે ગાઈ ગાઈને કહે,
‘તારે ભરોસે, રામ !’
એ તો ખોટું રે ખોટું પિછાણીએ, હો ભેરુ મારા…

બળને બાહુમાં ભરી, હૈયામાં હામ ધરી,
સાગર મોઝારે ઝુકાવીએ;
આપણા વહાણનાં સઢ ને સુકાનને
આપણે જ હાથે સંભાળીએ, હો ભેરુ મારા…

કોણ રે ડુબાડે વળી કોણ રે ઉગારે,
કોણ લઈ જાય સામે પાર;
એનો કરવૈયો કો આપણી બહાર નહીં,
આપણે જ આપણે છઈએ, હો ભેરુ મારા…

– પ્રહલાદ પારેખ

સ્વર : સુરેશ જોશી

 
 

 
 

 
 

 
 

આયનો પળવાર જો

October 31st, 2016

 


હિતેન આનંદપરા


Clik the link below to download :

aayno palvar jo same dhryo to shu thayu.mp3

 

આયનો પળવાર  જો  સામે  ધર્યો  તો  શું  થયું ?
એક ચહેરો આપણી પાછળ પડ્યો તો  શું થયું ?

એકદમ   તાજા    ખીલેલા   ફૂલને   સ્પર્શે   પવન
એ અદાથી જો તને  થોડું  અડ્યો  તો  શું  થયું ?

થઇ  ગઈ દીવાલ  ઉભી  જે  જગાએ,ક ઈ   ન’તું
એક રસ્તો  મસ્તીમાં  પડખું  ફર્યો   તો  શું  થયું ?

એ  હંમેશા  મારી  બાબતમાં  દખલબાજી  કરે
એક દિવસ હું સહજ એને  નડ્યો  તો  શું  થયું ?

કો રહસ્ય ફિલ્મ   જેવું   આમ   ગભરાવો   નહીં
રાતનો સૂનકાર થોડો સળવળ્યો   તો  શું   થયું ?

આપણે કંઈ   રોશનીના  કાયમી  માલિક   નથી
અન્યનો તારો  જરા  ઝળહળ્યો  તો  તો શું થયું ?

– હિતેન આનંદપરા

સ્વર : આલાપ દેસાઈ

 
 
 

 
 
 

ટેવ છે એને ….

October 28th, 2016

 


મુકેશ જોષી

 

Click the link below to download :

tev chhe ene pratham e mapshe ne tolshe.mp3

 

ટેવ  છે  એને   પ્રથમ   એ   માપશે   ને  તોલશે,
ખુશ   થશે  તો  પ્રેમનું   આકાશ  આખું   થોળશે

સહેજ  બારી  ખૂલતાં  સામે  શરદ  પૂનમ  થતી,
કઈ  તિથિ  થાશે  અગર  એ  બારણું જો  ખોલશે

સ્પર્શની બાબત નીકળશે, તું શરત ના મારતો ,
એ  તો  પરપોટાની  કાઢી  છાલ  પાછો છોલશે .

નામ  ઈશ્વરનું   ખરેખર   યાદ  ક્યાં  છે  કોઈને,
પૂછશો   તો  મંદિરોના  નામ   કડકડ   બોલશે .

ઓ   મદારી !   દૂધ  શાને  પાય  છે  તું નાગને,
તું   મલાઈ  આપશે  તો   માણસો  પણ  ડોલશે

– મુકેશ જોષી

સ્વર : આલાપ દેસાઈ

 
 
 

 
 
 

ભટકતા જંગલે જંગલ

October 25th, 2016

 

રમણલાલ વ દ્દેસાઈ
 

કવિશ્રી રમણલાલ વ દેસાઈ વિષે વધુ વાંચવા click કરો : રમણલાલ વ દેસાઈ
 


 

ભટકતા જંગલે જંગલ પુકારી ઈશ્કની બાંગો;
ઘૂમે સૂનકાર ત્યાં સઘળે ! હમારી ઝોળી ખાલી છે !

મઢી ને ઝૂંપડી ઢૂંઢી ,કમાડો કૈંક ખખડાવ્યાં ,
ન સૂતાં કોઈ યે જાગે, હમારી ઝોળી ખાલી છે !

ગયા મસ્જિદ ને મંદિરે, બધા ત્યાં પાક મરજાદી ;
ન અડકે આ અસ્પૃશ્યો ને, હમારી ઝોળી ખાલી છે !

સદાવત સ્નેહનાં ક્યાં છે ? પરબ ક્યાં પ્રેમની બેસે ?
બતાવો જાણતા હો તો ! હમારી ઝોળી ખાલી છે !

અમી આંજી નજર ક્યાં છે ? જીગરનાં આંસુડાં ક્યાં છે ?
થશે બસ એક બિંદુથી ! હમારી ઝોળી ખાલી છે !

– રમણલાલ વ દ્દેસાઈ

સ્વર : પુરૂષોત્તમ ઉપાધ્યાય

સ્વરાંકન : આશિત દેસાઈ

…. જીવતું  રાખે

October 24th, 2016

 


રઈશ મનીઆર
 
રઈશ મનીઆર વિષે વધુ વાંચવા click કરો : રઈશ મનીઆર
 


 
Click the link below to download :

Kinarao Alag Rahi Ne.mp3

કિનારાઓ   અલગ  રહીને  ઝરણને   જીવતું  રાખે ;
અલગતા  આપણી  એમ  જ  સ્મરણને જીવતું રાખે.

તળાવો    મૃગજળોના  જેમ  રણને    જીવતું  રાખે,
બસ  એ  જ  સ્વપ્ન  તારું એક જણને  જીવતું રાખે.

સમયના  સૂર્યનું  ચાલે તો  સળાગાવી  મૂકે સઘળું,
વ્યથાનાં   વાદળો   વાતાવરણને    જીવતું   રાખે.

કહો , એવી   હયાતીને   કોઈ   તકલીફ  શું  આપે ,
જે   અંદરથી  મરી  જઈ   આવરણને  જીવતું રાખે.

અનાયાસે તો જીવનમાં બધું ભૂલી જ જઈ એ પણ-
પ્રયાસો  વિસ્મરણના  ખુદ  સ્મરણા ને જીવતું રાખે.

‘રઈશ’  આ  દોસ્તો   તારા  અધૂરા  છે  શિકારીઓ,
ખૂપાવી  તીર  જે   અડધું ,  હરણને   જીવતું  રાખે.

-રઈશ મનીઆર

સ્વર : ધ્વનિત જોષી

સ્વરાંકન : ધ્વનિત જોષી